Txartelak erostea

Oro har, hainbat aukera dugu:

  • Txarteldegietan: BILBOko Termibusen, GASTEIZko autobus geltokian eta IRUÑAko Burundesaren txarteldegian. Begiratu saltokiei buruzko argibideak
  • Txartelak erosteko makinetan. Bilboko Termibusen (hiru makina) eta Gasteizko geltokian.
  • www.autobuseslaunion.com webgunearen bidez
  • Autobusean bertan, oro har, txarteldegirik eta txartelak erosteko makinarik ez dagoen geralekuetan. Zalantzarik baduzu, galdetu gidariari.

www.autobuseslaunion.com webgunearen bitartez, bidaia txartelak erosteko botoian klik eginda, “autobusing” plataformara sartuko zara. Bertan adierazitako pausuak egin eta ziurtatu erosketaren baieztapena jaso duzula, SMS mezuaren bitartez edo posta elektronikoz, zeuk aukeratutakoaren arabera. (bistaratu txartelak erosteko botoia)

Erosketaren baieztapena jasotzen ez baduzu, mesedez, jar zaitez harremanetan gure enpresarekin honako telefonoetan: 94 427 11 11 / 945 26 46 26 / 948 22 17 66.Txartela erosteagatik bidaiariak ez du komisiorik ordaindu behar izango.Kanporaketa autobusa jatorrizko geltokitik atera baino bost minutu lehenago itxiko da.Erosketa amaitu aurretik, ziurtatu erosketa-baldintzak irakurtzen dituzula

Deitu La Union-Burundesa Autobusen bezeroen arretarako telefonoetara (begiratu saltokietarako lotura), erositako txartelaren datuak egiaztatzeko.

Autobusean sartzen zarenean, erregistro hauetako bat erakutsi behar diozu gidariari:

  • Lokalizatzaile zenbakia (Moveliak bidalitakoa, ez bankuarena) eta NANa.
  • Mugikorrean jaso duzun sms-a, bidaiaren datuak dituena (Moveliak bidalitakoa) eta NANa.
  • Aurretiaz inprimatutako online txartela eta NANa.
  • Txartela inprimatzeko eska dezakezu txarteldegian.

Hautatu zure txartelaren datuak, makinan agertzen diren pausoei jarraituz.

Honako hauek kontuan hartu:

  1. Hasierako pantailan berehalako autobus irteerak agertuko dira. Zure irteera ez bada pantailan agertzen, erabili «Beste egun eta helmuga batzuk» botoia.
  2. Eskudiruz ordaintzeko, erabili billeteei edo txanponei dagokien arteka (sarbidetxoa).
  3. Txartelaz ordaintzeko, erabili saltokiko terminalaren arteka eta idatzi zure gakoa.
  4. Bonuaz ordaintzeko (Bidaide, 20 bidaiatako bonua edo Burunbonoa/Unionbonoa), erabili bonuetarako arteka.
  5. Itxaron inprimatu arte eta jaso erositako txartel guztiak.
  6. Eskudiruz ordaintzeko, 10,00 €-tik beherako erosketetan, 10 eta 5 euroko billeteak erabili daitezke. 10 eta 20 euro bitarteko erosketetan, 5, 10 eta 20 euroko billeteak erabili daitezke. 20,00 €-tik gorako erosketetan soilik 50 euroko billeteak erabili daitezke.

www.autobuseslaunion.com webgunearen bidez, txartelak erosteko lotura erabiliz.

Ez da derrigorezkoa baina bai komenigarria, horrela lekua izango duzula ziurtatuko zaizulako.

Txartela azken unean erosiz geroz, gerta daiteke lekurik ez egotea eta nahi duzun unean ezin bidaiatzea.

Deskontuak

Bonuak erabil ditzakezu, bakoitza deskontu desberdinarekin.

Begiratu linea erregularren atala, bertan azaltzen direlako ibilbide edo linea bakoitzean duzun bonu edo deskontu mota.

Bidaide bonuak

Bilbo-Gasteiz edo Gasteiz-Bilbo ibilbidea, edo Ezkerralde edo Eskumaldeko ibilbidea, edota Leioa-EHU eta Gasteiz bitarteko ibilbidea egunero erabiltzeko asmoa baduzu, eta Bidaide bonua erosi nahi baduzu, honako pauso hauek egitea aholkatzen dizugu:

Aukeratu hileko, hiruhileko ala urteko bonua.

Horietako bakoitzak aldi bat hartzen du, eta prezio desberdina dauka. Begiratu Bidaide bonuen tarifak

Aukeratu linea eta ibilbidea: Bilbo, Gallarta, Algorta, Leioa-EHU eta Gasteiz, bi noranzkoetan.

LINEANITZA BONUA ere aukeratu dezakezu, lineen ordutegiak lotuz bidaiatzeko.

Bete IZENA EMATEKO ESKAERA (Bidaide bonua eskatzeko inprimakia), eta gehitu bertan eskatzen den dokumentazioa.

Eskaera hori posta elektronikoz aurkeztu dezakezu (bonos@autobuseslaunion.com helbidean) edota txarteldegian bertan bestela.

96 orduan, gehienez, bonua eskura izango duzu.

Zure bonua hileko lehen egunean eskura eduki nahi baduzu, aurreko hilaren 25a baino lehen eskatzea komeni zaizu.

Dagoeneko erabiltzailea banaiz eta baldintza berdinekin bidaiatzen jarraitu nahi badut:

www.autobuseslaunion.com webgunearen bidez «Bidaide berritu» aukera erabiliz.

Txarteldegian, diru sarreraren edo banku txartelaren bidezko ordainketaren ziurtagiria emanez.

Txartelak erosteko makinan, banku txartelaren bitartez.

Urteko bonua erosi nahi baduzu, derrigorrez txarteldegian eskuratu behar duzu.

TXARTELDEGIETAN ETA EROSTEKO MAKINETAN ERE BERRITU AHAL DUZU HILEKO ETA HIRUHILEKO BONUA, banku txartelaren bidez ordainduta.

Honako hauek alda ditzakezu:

Maiztasuna:

hilekoa, hiruhilekoa ala urtekoa.

Linea: Bilbo, Gallarta, Algorta, Leioa-EHU edo Lineanitza.

Adina, berdetik gorrira aldatzeko.

Familia ugariagatiko deskontua ezartzeko edo zabaltzeko.

Bi egoera gerta daitezke:

eskuratu nahi duzun bonu mota eskura baduzu, beste inoiz erabili izan duzulako, bonu hori erabil dezakezu, «BERRITU BIDAIDE BONUA» aukera erabiliz.

Bono mota berri hori lehen aldiz erabili behar baduzu:

Bidaide bonua aldatzeko eskaera bete behar duzu (Bidaide bonua aldatzeko eskaeraren inprimakirako lotura), eta txarteldegian aurkeztu.

Edota mezu elektronikoa bidali dezakezu bonos@autobuseslaunion.com helbidera.

Ez ahaztu eskaerarekin batera egindako ordainketaren ziurtagiria eranstea.

Dokumentazioa aurkeztu ondoren, txarteldegian jasoko duzu bonu berria, eskaera egin eta 96 ordura, beranduen. Bidaide bonua aldatzeko inprimakia

Bonua indarrean sartuko den hilaren aurreko hileko 25ean egin behar duzu eskaera.

Ez baduzu txartela aurretik erosi, bonua autobusean balidatu beharko duzu, baldin eta txarteldegirik edo erosteko makinarik ez badago.

Bilboko Termibusen eta Gasteizko geltokian ordea, txarteldegira edo erosteko makinara joan behar duzu txartela jasotzera.

Gasteizko geralekuetan (unibertsitatean eta epaitegietan) nahiz Ezkerraldeko, Eskumaldeko, Leioa-EHUko, Deustuko eta Sarrikoko geralekuetan, autobusean balidatu beharko duzu bonua.

Ez. Bidaiatu nahi duzun egunerako eta ordurako txartela aurretik erosi baduzu soilik edukiko duzu lekua ziurtatuta.

Bidaide bonuak txartelaren prezioa merkatzen du, baina ez du ziurtatzen autobuseko lekua. Horretarako, txartela eduki behar duzu.

Informazio gehiago txarteldegietan eta «Ohiko galderak» atalean.

Bai.

Enpresak hori egitea gomendatzen dizu.

Horrela eginez gero, nahi duzun orduan lekua bermatuta edukiko duzu. (7 egun lehenago, gehienez). Geltokietan dauden erosteko makinetan nahiz txarteldegian eskura dezakezu.

Enpresak hori egitea gomendatzen dizu, autobuseko lekuak mugatuta daudelako eta txartela aurretik eskuratzen baduzu, nahi duzun orduan lekua izango duzula bermatuko duzulako.

Bonuaren balioaldia amaitu ondoren hartzen baduzu baja, ez duzu jakinarazi beharrik.

Balioaldian baja hartu nahi baduzu, enpresari jakinarazi behar diozu, eta berak esango dizu dirua itzultzeko aukerarik duzun. Begiratu Bidaide bonuaren baldintzak.

Ez da beharrezkoa, hurrengo batzuetan ere erabil dezakezu eta.

31 urte betetzen dituzun egunean, bonu gorriaren tarifa ezarriko zaizu.

Hori baino lehen, bonu berdearen tarifa ezarriko zaizu.

Familia ugariaren agiriaren fotokopia eman behar duzu txarteldegian, bonuarekin batera. Emateko unean jatorrizko agiria ere eraman behar duzu, fotokopia zuzena dela egiaztatzeko.

96 orduan, gehienez, bonu eguneratua eskuratuko duzu.

Jakinarazi ahalik eta lasterren enpresari, bonos@autobuseslaunion.com helbide elektronikoaren bidez edo saltokiren batean.

Galdutako gauzak

94 427 11 11, 945 26 46 26 eta 948 22 17 66 telefonoetara dei dezakezu eta bonos@autobuseslaunion.com helbidera ere idatz dezakezu, bidaiatu duzun ordutegia eta ibilbidea zehaztuta.

Geralekuak

Galdetu gidariari zerbitzua osatzeko autobus gehiagorik dagoen edo deitu leihatilara: 945 264 626. Hala ere, geltoki nagusietatik kanpoko geralekuetan autobusa hartzeko, gure gomendioa aldez aurretik bidaia txartela eskuratzea da. Hala, jarlekua erreserbatuta edukiko duzu.

Txarteldegian erositako txartelak ezeztatzeko eta aldatzeko, txarteldegira bertara jo behar duzu. Irteera baino bi ordu lehenagora arte inolako kosturik gabe egingo dugu gestioa.

Begiratu txarteldegien ordutegiak.

Internet bidez erositako txartelak ezeztatzeko, kanal hori bera erabili behar duzu.

Ez da txartelik ezeztatuko edo aldatuko telefono bidez.

Geralekua non dagoen ikusteko, erosteko prozesuaren lehenengo pausuan, nahi duzun edo bidaiatuko duzun ordua aukeratu behar duzu. Ordu bakoitzean, “ibilbidea begiratu” leloa duen esteka bat aurkituko duzu. Klik egitean, mapa bat agertuko da geralekuaren kokaleku zehatza begiratzeko. Zoom-ean sakatuta, geralekuaren helbide eta kokalekua zehatz-mehatz non dagoen ikusi ahal izango duzu. Gauzak horrela, oraindik zalantzarik baduzu, gurekin jarri zaitezke harremanetan Twitterren edo Facebooken bitartez.

Bidaiarentzako informazio baliagarriaren

Eguraldia dela eta, irteerak bertan behera gelditzen diren kasuetan, agintaritza eskudunen aginduak betetzen ditugu.

Halakoetan, egoera etengabe alda daiteke; halere, informazioa eguneratua eskaintzen ahaleginduko gara, webgunearen bidez, informaziorako eta salmentarako telefono zerbitzuaren bidez (94 427 11 11 eta 945 26 46 26) edo sare sozialen bidez.

Txartela bera ordainagiria da, behar diren datu guztiak eta BEZa jasotzen duelako.

Halere, txartelen ordainagiria behar baduzu, bonos@autobuseslaunion.com helbide elektronikoan eskatu dezakezu, txartelak erantsita, edota txarteldegian bestela, hor ere txartelak emanda.

Edozein kexu edo erreklamazio egiteko, gure webgunean horretarako dagoen ataletik egin dezakezu, Erreklamazioen inprimakia edota autobusean eta txarteldegietan dagoen erreklamazio liburua erabili daitezke.

  1. Txartela zure bidaia asegurua da. Eduki eskura ibilbide osoan, langileak eskatzen dizunean erakusteko.
  2. Mesedez, egiaztatu beti txartelaren datuak leihatilan hartzen duzunean.
  3. Gogoratu ordutegi bakoitzeko lekuak mugatuak direla. Irteera bakoitza egoki prestatzeko, komenigarria da abiatu baino ordu erdi lehenago leihatilara joatea, txartela erostera.
  4. Lekua erabat bermatzeko, txartelak aurretik erosteko aukera eskaintzen du enpresak, leihatiletan, txartelak erosteko makinetan eta Interneten. Abiatu baino hilabete lehenago ere eros daitezke, asteko zazpi egunetan.
  5. Autobusaren aurrealdeko txartelari begiratzea gomendatzen die enpresak bidaiariei, erabili nahi duen autobusa hori dela egiaztatzeko.
  6. Guztiz debekatuta dago autobusean erretzea (1293/1999 errege dekretuaren 6. artikulua) eta jatea, bai eta ibilgailuak hondatzea edo zikintzea dakarren edozein ekintza egitea ere.
  7. Debekatuta dago, halaber, ibilgailua abian den bitartean gidariaren arreta galtzea edo lana oztopatzea eragin dezakeen ezer egitea.
  8. Debekatuta daude gainerako erabiltzaileen edo garraio enpresako edo autobus geltokian aritzen den enpresako langileen osotasun fisikoa arriskuan jartzen duten, traba egiten duten edo iraingarria gerta daitezkeen portaera guztiak.
  9. Aginduak derrigorrez bete behar dira, bai zerbitzua behar bezala emateko eta segurtasunez bidaiatzeko enpresako langileek emandakoak, baita autobus edo geltokietan jarrita dauden karteletan adierazitakoa ere.

Zure segurtasuna gure lehentasuna da. Ondoren segurtasunerako aholku garrantzitsu batzuk dituzu, ikusi eta ikas ditzazun.

Gidaria: Jarduera honetarako beren beregi prestatuta dagoen profesionala da. Autobusean zure «segurtasun aditua» da. Bere jarraibideei kasu egin.

Ateak eta sarbideak: Bilatu itzazu. Ez ibili arinegi autobusera igotzean edo bertatik jaistean.

Larrialdietarako mailuak: Kristalak hausteko mailuak “larrialdiko irteera” leloa duten leihoen ondoan daude. Erabili soilik ateetatik irten ezin denean.

Ateak segurtasunez irekitzeko: Irekitzeko gailua agerian dago, ateen ondoan. Autobusa geldirik dagoenean erabili daiteke soilik. Hura eragitean, ateak desblokeatzen eta berehala zabaltzen dira.

Lehen sorospenetarako botikina: Autobus guztietan dago. Normalean autobusaren aurrealdean egoten dira, piktograma batez identifikatuta.

Segurtasun uhala: Zure jarlekuan badago, lotu.

Su itzalgailua: Autobusaren aurrealdean dago, gidariaren jarlekutik gertu normalean.

Helmugara iristerakoan: Ez altxatu jarlekutik autobusa geldirik egon arte.

Ekipajea eta maskotak

Ekipajea eserlekuen goiko aldeko erretiluan jarri behar da, egoki kokatuta, kanporantz irteten ez dela.

Ez da inoiz pasilloan edo hanka tartean eraman behar, ez eta alboko eserlekuan ere.

Baldintza horiek betetzerik ez badago, autobuseko maletategian eraman behar da.

Bizikletak, surfeko oholak eta abar eraman nahi badituzu, txartela erosteko unean fakturatu eta dagokion tarifa ordaindu beharko duzu.

Halako gauzak eramateko, ibilgailuaren maletategian lekurik dagoen ikusi beharko da. Gehienez halako hiru gauza eramango ditu autobusak, eta inoiz ere ez bat baino gehiago bidaiari bakoitzeko.

Ekipaje berezia (bizikleta, surfeko ohola, eskiak, musika tresnak…) egoki bilduta eraman behar duzu, gainerako bidaiaren ekipajea ez zikintzeko edo hondatzeko eta zure ekipajearen egoera zaintzeko.

Bizikletei dagokienez, egoki bilduta egoteaz gain, aurreko gurpila kenduta eraman behar dira.

Halako gauzarik eramanez gero, irteera baino hamar minutu lehenago iritsi behar duzu, gutxienez, autobusa irtengo den lekura.

Autobusean halako gauzak eramateko lekurik ez dagoela ikusiz gero, hurrengo irtenaldian eramango du enpresak (ahal izanez gero). Dena dela, bidaiariak ez du horregatik inolako kalteordainik jasotzeko eskubiderik.

A3700 lineetan (Bilbo, Gallarta, Algorta eta Leioatik Gasteizera zein Gasteiztik aipatutako helmugetara) bizikleta tolesgarriak autobusaren maletategian jarriko dira eta bidaiariak behar bezala enbalatuko ditu. Bidaiariak ez du tarifa gehigarririk ordaindu behar izango.

Debekatuta dago patinete elektrikoarekin bidaiatzea autobusetan, 2024ko otsailaren 1etik aurrera. Bizkaiko Foru Aldundiaren 2024ko urtarrilaren 22ko Foru Agindua.

Txartela erosiz, zure ekipajea (maleta, motxila edo bidaia poltsa) doan eramateko eskubidea eskuratzen duzu, baldin eta metro kubiko bat baino gutxiago badu eta 30 kg baino gutxiago pisatzen badu. Hortik kanpo geldituko dira ekipaje bereziak; izan ere, aparte fakturatu beharko dituzu, dagokion tarifa ordainduta.

Tresnak seguru joango dira autobusaren maletategian, gainerako ekipajeekin batera, baldin eta kutxa batean babestuta eta bilduta badaude.

Zuk zeuk erabaki behar duzu zein den bilgarririk egokiena.

Hauxe diote zerbitzu baldintzek maskotei buruz:

  1. Debekatuta dago bidaiarientzako eremuan maskotarik eramatea, itsu txakurrak izan ezik.
  2. Maskotak ugazabaren autobus berean joango dira beti.
  3. Maskota bakarra onartuko da bidaiako eta txarteleko.
  4. Maskota ibilgailuaren maletategian joango da, bidaiariak berak ekarriko duen homologatutako kaiola edo kutxa egoki batean. Guztiz debekatuta dago aberea kutxatik kanpo joatea.
  5. Aberearen garraioa jabearen ardurapean egingo da, erabat. [Maskotekin bidaiatzeko baimena deskargatu]

Eskatzen diren baldintzei buruzko argibide gehiago nahi baduzu, begiratu garraio zerbitzuaren baldintza orokorrak.

Adingabeak

8 urtetik beherako umeek beti heldu batek lagunduta bidaiatu behar dute. 8 urte baino gutxiagoko umeek ezin izango dute autobusean sartu, heldu batek lagunduta bidaiatzen ez badute. Guraso edo lege tutoreen BAIMENA eduki behar dute laguntzailerik gabe bidaiatu nahi duten 8 eta 15 bitarteko adin txikikoek (adin biak barne) erabilera orokorreko garraio erregularreko autobusetan.
16 urte betetzen dutenetik aurrera, adin txikikoek ez dute inoren laguntza eta baimena behar gure autobusetan bidaiatzeko. Autobusera sartzerakoan, adin txikokoek, bidaia txartelarekin batera, “Baimen Agiria” erakutsi behar dute. Horretan, gurasoen edo tutoreen baimena eta enpresaren zigilua agertu behar dute.
Agiri hori ez badute, 8 eta 15 urte bitarteko adingabeek ezin izango dute bakarrik bidaiatu. PDFa:
Laguntzailerik gabeko adingabeentzako baimena.

  • Bilbo eta Marginak>Vitoria-Gasteiz línea eta Bilbo-Iruña línea: 4 urtetik beherakoak doan joan daitezke, txartel egokia daroan persona heldu batekin, adina dokumentu ofizial batekin erakutsi ahal izan beharko dute, eskatuz gero. Zero txartel eraman behar dute autobusean bidaiatzeko. Leihatilan eska dezakezu, edo bidaiatu behar duzun ordutegiko gidariari zuzenean itxita badago. Auto-salmenta makinak ez dio ematen.
  • Aiala Harana, Vitoria-Gasteiztik Durangora eta Mirandara lineak: 6 urtetik beherakoak doan joan daitezke, txartel egokia daroan persona heldu batekin, adina dokumentu ofizial batekin erakutsi ahal izan beharko dute, eskatuz gero. Zero txartel eraman behar dute autobusean bidaiatzeko. Eska dezakezu, gidariari zuzenean.
  • Gazteizko aireportua linea: 2 urtetik beherakoak doan joan daitezke, txartel egokia daroan persona heldu batekin, adina dokumentu ofizial batekin erakutsi ahal izan beharko dute, eskatuz gero. Zero txartel eraman behar dute autobusean bidaiatzeko. Leihatilan eska dezakezu, edo bidaiatu behar duzun ordutegiko gidariari zuzenean itxita badago. Auto-salmenta makinak ez dio ematen.

Familia ugarientzako deskontuak

Familia ugaria direla egiaztatzen duten bidaiariek deskontua izango dute txartelean: % 20ko deskontua kategoria orokorreko familietakoek, eta % 50ekoa kategoria berezikoek.

Familia ugariaren deskontua kanal hauetan eskatu daiteke:

LA UNIONeko eta BURUNDESAko saltokietan, dagokion dokumentazioa aurkeztuta (erakunde eskudunak emandako familia ugariaren agiri eguneratua -egun horretan indarrean dagoena- eta NANa edo pasaportea).

Txartelak erosteko makinak. Autobusera sartzeko, deskontua izateko eskubidea ematen duen kreditazioa gidariari aurkeztu beharra dago.

Autobusaren barruan. Autobusera sartzeko, deskontua izateko eskubidea ematen duen kreditazioa eta NANa aurkeztu behar zaizkio gidariari.

Gogorarazi nahi dizugu familia ugariaren deskontua duen txartela eskuratu baduzu, erosteko unean deskontua jasotzeko eskubidea duen pertsona bakoitzaren egoera egiaztatzeko agiria aurkeztu behar duzula, eta bidaia osoan aldean eraman; zehazki, familia ugariaren onuradun bakoitzaren NANa edo pasaportea.

Adingabekoak badira eta ez badute NANik edo pasaporterik, jatorrizko familia liburua edo haren kopia konpultsatua aurkeztuko da.

Garrantzitsua: horrelako bidaia txartelak erabili ahal izateko, ezinbestekoa da bidaiariak deskontu horren onuraduna dela kreditatzen duen agiria indarrean edukitzea. Baldintza hori bete ezean, gidariek bidaia txartela erabiltzea galarazi behar dute eta ezin izango da inolaz ere diru-aldea ordaindu. Hala, bidaiariak beste bidaia txartel bat erosi behar izango du, bidaiatu nahi badu.